Bi lagun talderen fruitu eraginkorra

Alegria de Iruña izena 1960. urte arte izango ez zuen arren, peña honen jatorria hainbat urte lehenagokoa da. 1952. urtean Caldereria, Tejeria eta San Agustineko hogeita hamar bat gaztek Imoztarra izeneko peña sortzea erabaki zuten. Kale Berrian zegoen, eta Imotzeko bailara eta Iruñea artean dagoen bidea kudeatzen zuen autobus enpresa bat gogoan izanik jarri nahi zioten izen hori.

Horrekin batera, aipatu kaleetako, Estafetako eta Mercedeko beste lagun talde batek 1950. hamarkadaren hasieran futbol talde bat sortu zuen –Imoztarrekoak ere kirol horren jarraitzaileak ziren– Alegria Peña izenekoa eta bere egoitza San Agustin kaleko Arrizabalaga tabernan ezarri zuten. 1952. urtean batu ziren bi taldeak, dirudienez, San Fermin jai izugarriak izan ondoren. Urte horretan bertan, azaroaren 28an alegia, Motoclub tabernan egin zen lehenengo batzordea eta batik bat kirol eta sukaldaritza arloan hasi ziren lehen ekimenak.

Urtebete geroago, lehen pankarta egin eta txaranga bat kontratatu zuten. 1961. urtean, berriz, beren lehen egoitza inauguratu zuten Caldereria kalean. Hortik aurrera hainbat leku aldaketa egin behar izan dituzte, betiere leku falta dela-eta, baina egoitza beti izan du Jarauta kalean. Jatorrian bezala, kirol ekimenak oso garrantzitsuak dira peña honetan. Besteak beste, Boscos lehiaketan futbol taldea du. Beste hainbat kultur ekimen ere egiten dituzte, esate baterako, kontzertuak. Txapelketak egin dituzte eta, euskarari atxikimendua adieraziz, Korrikan ere hartu dute parte. Nabarmentzekoa da, gainera, urtero egin ohi duten «Patata operazioa». Sakana eta Urrobiko bailaretara joaten dira etxez etxe eta baserriz baserri patata eskean eta ondoren elkartasun erakundeetara eramaten dute bildutako guztia.

Gabonetan, Errege jantzita joan ohi dira eskaria egiten duten bazkideen etxeetara.

Egun peña honek ez ditu bazkide berriak onartzen, nahiz eta berrogei lagunetik gora bertan sartu zain dauden.

Beren bazkideen artean, Julia Moreno eta Imanol Auza euskal preso politikoak eta Jorge Mori PSNko nafar parlamentarioa daude.

1978. urtean espainiar Poliziak German Rodriguez tiroz hil zuenean, peña horretan bertan batzorde ikertzailearen egoitza ezarri zen eta, horren ondorioz, Alegriak atentatu faxista jasan behar izan zuen.

Ficha Técnica

Fundada 1952 Socios Mayores 342 Txikis 32 Dirección c/ Jarauta, 61-63 Teléfono 948 227 115 Indumentaria Pañuelo rojo bordado con una cinta verde. Blusón verde con cuello, puños y bolsillo rojos. Himno Sonido

Himno

Situación del Tendido

Localidades 202 Situación Entre sombra y La Jarana (Tendido 7) Entrada Puerta E Abonos A diario en la peña   Salida - Días Ver página del Tendido

Pancarta